Буюк Британиядаги металлолом омборхонасида кучли ёнғин содир бўлди — видео
Ҳодиса жойига 3 шаҳардан 14 та ўт ўчириш бригадаси жалб қилинди
Буюк Британиянинг Ноттингем шаҳридаги металлолом омборхонасида кучли ёнғин келиб чиқди. Бу ҳақда «BBC» хабар берди.
Маълум бўлишича, ўт ўчирув экипажлари ҳодиса жойига соат 21:20 да (Тошкент вақти билан) етиб келган. Ёнғинни ўчиришда Ноттингемшир, Дербишир ва Лестершир шаҳарларидан 14 та ўт ўчириш ва қутқарув бригадаси жалб қилинган.
Firefighters are tackling a large industrial fire on Harrimans Lane in the Dunkirk area of Nottingham.
Crews from 7 stations are at the scene.
People in the area are being urged to keep their windows and doors closed. pic.twitter.com/iDanSYgkAa
— ITV News Central (@ITVCentral) May 6, 2021
Ҳозирда жароҳатланганлар ва ёнғиннинг келиб чиқиши ҳақида маълумот берилмаган, аммо ёнғин тарқалишда давом этаётгани хабар қилинган. Шу билан бирга, ёнғинни ўчиришга бир неча кун керак бўлиши маълум қилинган.
Аввалроқ Хитойдаги таъмирлаш заводида содир бўлган кучли портлаш оқибатида яқин атрофдаги машиналарга зарар етгани ва дарахтларни қулатгани ҳақида хабар берилганди. Шунингдек, Эрондаги кимё заводи портлаб кетгани маълум қилинган.
