Сурхондарё вилоятидан Фарғона вилоятига мунтазам авиақатновлар йўлга қўйилди. Бу ҳақда Фарғона халқаро аэропорти ахборот хизмати хабар берди.

Маълум қилинишича, 10 майдан бошлаб ҳафтанинг ҳар душанба куни соат 10:45 да Термиздан учган самолёт 12:05 да Фарғонага келиб қўнади. Ҳафтанинг ҳар пайшанба куни Фарғонадан 08:40 да парвозни амалга оширган йўловчилар Термизга 10:10 да етиб боради.

Аввалроқ Қозоғистондан Тошкент ва Наманганга авиақатнов амалга оширилиши хабар қилинганди. Шунингдек, Тошкент–Бухоро–Тошкент йўналишида мунтазам авиақатновлар тиклангани маълум қилинган.