Тошкент шаҳрида Христиан динининг «Ота-оналарни хотирлаш» тадбирлари ўтказилиши муносабати билан 11 май куни 1 кунлик автобус йўналишлари ташкил этилади. Бу ҳақда «Тошшаҳартрансхизмат» ахборот хизмати хабар берди.

Маълум қилинишича, Тошкент шаҳрида 11 май куни Христиан динининг «Ота-оналарни хотирлаш» тадбирлари ўтказилиши муносабати билан йўловчилар ташиш узлуксизлигини таъминлаш мақсадида шаҳардаги метро станцияларидан ва аҳоли кўп йиғиладиган бекатлардан 1, 2, 3-сонли қабристонларгача қатновчи бир кунлик автобус йўналишлари ташкил этилади.

Вақтинчалик автобуслар қуйидаги йўналишларда йўлга қўйилади:

• К-1 Машинасозлар метроси—1 сонли қабристон (Боткин);
• К-2 Олмазор метроси—2 сонли қабристон (Дўмбиробод);
• К-3/1 Буюк Ипак йўли метроси—3 сонли қабристон (Ўртасарой);
• К-3/2 Қўйлиқ деҳқон бозори—3 сонли қабристон (Ўртасарой).

Автобус сони:

• 3 та Isuzu «2-автобус саройи» МЧЖ;
• 4 та Isuzu «7-автобус саройи» МЧЖ;
• 4 та MAN «5-автобус саройи» МЧЖ;
• 4 та MAN «1-автобус саройи» МЧЖ.

Ташкил этилган бир кунлик йўналишлар 07:00 дан 18:00 га қадар ҳаракатини давом эттиради.

Аввалроқ Ўзбекистонда овқатланиш муассасалари ва автобусларда ўринлар сони чекланиши хабар қилинганди. Шунингдек, Тошкентда Рамазон ойи муносабати билан 13 та автобус йўналиши ўзгариши маълум қилинган.