Тошкентда Хотира ва қадрлаш кунига бағишланган байрам салюти қаерда ташкил этилиши маълум бўлди
Тошкент шаҳрида 9 май — Хотира ва қадрлаш кунига бағишланган байрам салюти ташкил қилиниши ҳақида хабар берилган эди. «Bugun.uz» мабасининг маълум қилишича, салют Халқлар дўстлиги майдонида ташкил қилинади.
Байрам салютини ташкил қилиш бўйича Президентнинг тегишли қарори қабул қилинган эди. Ушбу байрам салютини ташкил қилишга Мудофаа вазирлиги масъул этиб белгиланган. Шунингдек, қарорга биноан Иккинчи жаҳон уруши қатнашчилари ва ногиронларининг истаклари асосида уларнинг республика ҳудудидаги санаторийларга бепул юборилиши таъминланади ҳамда ҳар бирига тиббий ва ижтимоий хизмат кўрсатиш, парвариш қилиш мақсадида тиббий билимларга эга ходимлар (шартнома асосида) бириктирилган ҳолда доимий равишда патронаж хизмати йўлга қўйилади.
Мавзуга доир:
Аввалроқ Президент Иккинчи жаҳон уруши иштирокчилари ҳақидаги маълумотларнинг электрон базасини яратиш бўйича топшириқ бергани хабар қилинган.
