Тошкентда «Урушнинг кичик гувоҳлари» китобининг тақдимоти ўтказилди

Тошкент шаҳридаги «Wyndham Tashkent» меҳмонхонасида «Урушнинг кичик гувоҳлари» китобининг тақдимот маросими ўтказилди. Бу ҳақда Туризм ва спорт вазирлиги ахборот хизмати хабар берди.

Фото: Туризм ва спорт вазирлиги ахборот хизмати

Маълум қилинишича, китобни чоп этиш ташаббуси «Подробно.uz» нашри томонидан билдирилган бўлиб, Капиталбанк томонидан молиялаштирилган. Ушбу тақдимот маросимида бош вазир ўринбосари, туризм ва спорт вазири Азиз Абдуҳакимов, Россиянинг Ўзбекистондаги элчиси Олег Малгинов, лойиҳа ташаббускорлари ва янги китобга воқеалари асос бўлиб кирган қаҳрамонлар иштирок этган.

«Қанча вақт ўтмасин, Улуғ ватан уруши ва у билан боғлиқ хотиралар юртдошларимиз қалбида яшаши керак! Биз бугун тарихий китоб шаклида тақдим этилаётган, Улуғ ватан урушининг миллионлаб иштирокчиларига бағишланган бундай лойиҳаларни қўллаб-қувватлашдан доимо хурсандмиз. Шу ўринда таъкидлаш лозимки, бундай лойиҳалар аждодлар тарихини ёдга солиб, уларга ҳурмат бажо келтириш ва ўсиб келаётган ёш авлодни ривожлантиришга йўналтирилган», – деган бош вазир ўринбосари Азиз Абдуҳакимов.

Фото: «Подробно.uz»

Қайд этилишича, мазкур лойиҳадан тижорий мақсад кўзланмагани сабаб китоб чекланган ададда чоп этилган. Шу боис китоблар мактаблар, олий таълим муассасалари, кутубхоналар, музейлар, маданий марказларга тақдим этилади. Ҳозирча китоб фақат рус тилида чоп этилган ва яқин вақт ичида ўзбек тилига таржима қилиш режалаштирилган.

Тақдимот давомида Россия элчиси Олег Малгинов Ўзбекистонда уруш қатнашчиларига кўрсатилаётган ҳурмат ва эътиборни бошқа мамлакатларда кўрмаганини таъкидлаган:

«Мен кўп мамлакатларда бўлганман ва ишлаганман, шу боис бугун Ўзбекистонда Улуғ ватан уруши қатнашчилари ва уларнинг хотирасига бўлган ҳурмат ва эътиборни ҳеч қаерда кўрмаганман, дея самимий айта оламан. Бошқа мамлакатларда у даврлар хотираси аҳамиятини камайтиришга бўлган уринишларни кўрганман. Вақт ўтмоқда, тобора кўпроқ ёлғон гувоҳликлар, ҳақиқатдан йироқ далиллар пайдо бўлмоқда. Шу боис бугун уруш йилларини ўз кўзи билан кўрган тирик гувоҳлар бераётган маълумотларни муҳрлаб қолиш ва сақлаш, уларни келгуси авлодга етказиш муҳимдир, зеро тарихни унутмаслик лозим. Ушбу лойиҳа ташаббускорлари ҳамда уни амалга оширишга ҳисса қўшган барча ҳамкорларга миннатдорчилик билдирамиз», – деган у.

Аввалроқ Президент Иккинчи жаҳон уруши иштирокчилари ҳақидаги маълумотларнинг электрон базасини яратиш бўйича топшириқ бергани хабар қилинган эди.

Бугун оқшоми. Метрода ҳаракатланган президент, уйларнинг зилзила бардошлигига «гарантия» беролмаган мутасадди ҳамда Тошкентда янги қурилишларга ўрнатилган чеклов
Янгиликлар21:00 | 8.2.23
Бугун оқшоми. Метрода ҳаракатланган президент, уйларнинг зилзила бардошлигига «гарантия» беролмаган мутасадди ҳамда Тошкентда янги қурилишларга ўрнатилган чеклов
Самарқанд халқаро технология университети ўзининг янги кампус макетини тақдим этди
Янгиликлар18:53 | 8.2.23
Самарқанд халқаро технология университети ўзининг янги кампус макетини тақдим этди
Тошкент шаҳрида янги қурилишларга чеклов ўрнатилади
Янгиликлар18:40 | 8.2.23
Тошкент шаҳрида янги қурилишларга чеклов ўрнатилади
«Ўзбекгидроэнерго» Ҳиндинстон компанияси билан инновацион гидроагрегатларни етказиш бўйича шартнома имзолади
Янгиликлар18:00 | 8.2.23
«Ўзбекгидроэнерго» Ҳиндинстон компанияси билан инновацион гидроагрегатларни етказиш бўйича шартнома имзолади
Туркия ва Сурияда зилзила қурбонлари сони 9 минг кишидан ошди
Янгиликлар17:41 | 8.2.23
Туркия ва Сурияда зилзила қурбонлари сони 9 минг кишидан ошди
Жо Байден Конгрессга йиллик мурожаатини йўллади. АҚШ президенти Украинани қўллаб-қувватлашга ваъда бериб, Россияни бирор марта тилга олмаган
Янгиликлар17:07 | 8.2.23
Жо Байден Конгрессга йиллик мурожаатини йўллади. АҚШ президенти Украинани қўллаб-қувватлашга ваъда бериб, Россияни бирор марта тилга олмаган

Муҳим хабарлар

Самарқанд халқаро технология университети ўзининг янги кампус макетини тақдим этди

18:53 · 08.02.2023

Туркия ва Сурияда зилзила қурбонлари сони 9 минг кишидан ошди

17:41 · 08.02.2023

Жо Байден Конгрессга йиллик мурожаатини йўллади. АҚШ президенти Украинани қўллаб-қувватлашга ваъда бериб, Россияни бирор марта тилга олмаган

17:07 · 08.02.2023

Орол денгизининг суви қуриган тубида «яшил қопламалар» барпо этишга 25 млрд сўм ажратилади

16:33 · 08.02.2023

Ўзбекистон Туркманистондан етказилмаган газ учун пул компенсацияси талаб қилгани рад этилди

15:59 · 08.02.2023

Ўзбекистонда 9 февраль куни аксарият ҳудудларга ёмғир ёғади

15:25 · 08.02.2023

Ўзбекистонлик қутқарувчилар Туркияда вайроналар остидан 9 кишини қутқариб олди — видео

14:55 · 08.02.2023

Ўзбекистондаги уйлар зилзилага қанчалик бардошли? Қурилиш вазири ўринбосари жавоб берди — видео

12:23 · 08.02.2023

Туркия ва Суриядаги зилзилалар қурбонлари сони 8 мингга яқинлашди

11:49 · 08.02.2023

Фарғонада журналист ва Telegram-каналлар маъмурлари 15 суткага қамалди

18:30 · 07.02.2023