Ўзбекистонда доллар ва евронинг расмий курси кўтарилди
Марказий банк 10 май, душанба куни хорижий валюталарнинг сўмга нисбатан янги курсларини эълон қилди.
Унга кўра, 1 AҚШ долларининг расмий курси 17,89 сўмга ошиб, 10 529,73 сўмни ташкил қилган. 1 евро курси 12 808,36 сўмга баҳоланиб, 111,11 сўмга ошган. Шунингдек, 1 рубль 142,32 сўм этиб белгиланиб, 0,48 сўмга ошган.
Маълумот учун, ушбу алмашув курслари 11 май, сешанба кунидан кучга киради.
Аввалроқ Ўзбекистонда доллар курси 18,36 сўмга ошиб, 10 511,84 сўмни ташкил этгани хабар қилинган эди.
