Польшадаги Острода музейи археологи Лукаш Шепаньски Европа учун ноёб бўлган ўрта асрлардаги каролинг динорининг хазинаси топилганини маълум қилди. Бу ҳақда «Newsbeezer» хабар берди.

Келтирилишича, топилма 118 та кумуш танга ва уларнинг парчаларидан иборат. Олимлар Бискупетс коммунасида археологик жойни ўрганиш пайтида император Людовик I (814–840) динори ва Каролинглар сулоласининг қироли Карл II (840–877) оболи (қадимги Юнон валютси)ни топган.

Археологик ишларга раҳбарлик қилган Шепаньскининг сўзларига кўра, ушбу соҳадаги дастлабки ўрта аср тангаларининг хазинаси ғайриоддий ва шу сабабли уни изоҳлаш қийин.

Ҳозиргача археологлар Ғарбий Европанинг зарбхоналарида чиқарилган ўша даврдаги саноқли тангаларни топган ва, асосан, араб тангалари савдо учун ишлатилганини аниқлаган.

Аввалроқ Италиядаги ғордан 9 нафар неандертал одамнинг суяк қолдиқлари топилгани ҳақида хабар берилганди. Шунингдек, Мексикадаги қадимги майя ғоридан сирли қўл излари топилгани маълум қилинган.