Россиянинг Санкт-Петербург шаҳрида «Гражданский проспект» метро бекатида вояга етмаган қизга тегажаклик қилган ўзбекистонлик эркак қўлга олинди. Бу ҳақда «78.ru» хабар берди.

Маълум бўлишича, ҳодиса 2021 йил 10 май, душанба куни содир бўлган. Полицияга 1979 йилда туғилган петербурглик аёлдан ариза келиб тушган. Унда кечқурун соат саккизларда (Тошкент вақти билан) «Гражданский Проспект» метро бекати платформасида ўзбекистонлик эркак 16 ёшли қизига қарши ножўя ҳаракатлар қилгани айтилган.

Ҳолат юзасидан полиция ҳодимлари 27 ёшли эркакни қўлга олиб, изоляторга жойлаган. Ҳозирда эркакка нисбатан жиноий иш очиш масаласи кўриб чиқилмоқда.

Аввалроқ Россияда ўзбекистонлик эркак танишини пичоқлагани ҳақида хабар берилганди. Шунингдек, Россияда миграция хизмати ходими ўзбекистонлик фуқарони калтаклагани маълум қилинган.