АҚШдаги Дьюка институти олимлари коронавирус инфекциясининг барча хавфли турларига қарши янги вакцинани ишлаб чиқди. Препарат клиниколди синовлардан муваффақиятли ўтди. Бу ҳақда «Nature» журналига таяниб, «Корреспондент» хабар берди.

Келтирилишича, вакцина нанозаррачалардан фойдаланган ҳолда коронавирус ва адьюван парчаларидан иборат антитаначаларни фаоллаштиради. Адьюван ўз навбатида, иммуногеннинг инсон танасига кириб боришига қарши иммунитетни кучайтирадиган махсус восита ҳисобланади.

Таъкидланишича, вакцина сичқон ва макакаларда ўтказилган синовларда коронавирус инфекциясига қарши 100 фоиз самарадор экани аниқланган. Тадқиқотчилар янги вакцина коронавирус инфекциясини зарарсизлантиришда ишлатилаётган амалдаги препаратларга нисбатан самарали эканини айтган.

Аввалроқ олимлар дунёдаги энг яхши вакцина номини эълон қилгани ҳақида хабар берилганди. Шунингдек, вакцина ишлаб чиқарувчи компанияларнинг бири 70 миллион доза яроқсиз вакцина чиқаргани маълум қилинган.