Ўзбекистонда оддий аҳоли «Спутник V» вакцинаси билан қачон эмланади?
АОКАда 12 май, чоршанба куни ўтказилган брифингда Коронавирусга қарши курашиш штаби аъзоси Нурмат Отабеков Ўзбекистонда оддий аҳоли «Спутник V» вакцинаси билан қачон эмланиши борасида маълумот берди. Бу ҳақда «Bugun.uz» мухбири хабар берди.
Нурмат Отабековнинг сўзлариг кўра, «Спутник V» вакцинасидан 1 миллион доза олиш учун буюртма берилган, хозирда 50 минг нафар аҳолини эмлаш учун 100 минг доза вакцина олиб келинган.
«Қолган буюртмалар келиши билан хавфостидан ташқари бўлган аҳолига ҳам таклиф этилади. Шу ўринда таъкидлаш жоизки, фақат хавфости гуруҳига мансуб аҳолини коронавирусга қарши эмлаш бюджет маблағлари хисобидан амалга оширилади», — деди Коронавирусга қарши курашиш штаби аъзоси.
Мавзуга доир:
Эслатиб ўтамиз, аввалроқ Ўзбекистонга «Спутник V» вакцинаси фақат амалдорлар учун олиб келингани айтилган хабарга изоҳ берилганди. Шунингдек, хусусий клиникалар ушбу вакцина билан пулли эмлаш бошлагани ҳақидаги хабарга муносабат билдирилган.
