Самарқандда нотариусдан 38 минг доллар талаб қилган фуқаро ушланди

Самарқанд вилояти Каттақўрғон туманида 7 май куни нотариусдан 38 минг доллар талаб қилган фуқаро ушланди. Бу ҳақда вилоят Ички ишлар бошқармаси ахборот хизмати хабар берди.

Фото: Вилоят Ички ишлар бошқармаси ахборот хизмати

Хабарга кўра, шаҳарда нотариуслик фаолияти билан шуғулланувчи фуқаро вилоят бршқармасига ариза билан мурожаат қилган. Унда Каттақўрғон шаҳрида яшовчи Ш. исмли шахс 2020 йил сентябрь ойидан бери уни фуқаролар ўртасидаги уй-жой олди-сотти шартномасини ноқонуний расмийлаштирганини айтиб, қаматиб юбориш билан қўрқитиб келаётгани айтилган. Шунингдек, у 38 000 доллар эвазига тинч қўйишини айтиб пул талаб қилаётгани аниқланган.

Таъкидланишича, аризага асосан Самарқанд вилояти Ички ишлар бошқармаси жиноя қидирув бўлими, Коррупция ва иқтисодий жиноятларга қарши курашиш бўлими ҳамда Давлат хавфсизлик хизмати вилоят бошқармаси ходимлари томонидан туманнинг Пайшанба шаҳарчасида тезкор тадбир ўтказилган. Унда Баланд Чордара МФЙда яшовчи М.Ш. ариза муаллифидан 33 000 долларни олаётган вақтида ашёвий далиллар билан ушланган.

Фото: Ички ишлар бошқармаси ахборот хизмати

Мазкур ҳолат юзасидан Самарқанд вилояти Ички ишлар бошқармаси ҳузуридаги тергов бўлими томонидан Жиноят кодексининг 165-моддаси (Товламачилик) 3-қисми билан жиноят иши қўзғатилиб, тергов ҳаракатлари олиб борилмоқда.

Аввалроқ Бухорода ишқий муносабатларни сир сақлаш учун эркакдан пул талаб қилган аёл ушлангани маълум қилинган. Шунингдек, Сирдарёда тадбиркорни жарима солиш билан қўрқитиб, 5 минг доллар пул талаб қилган мансабдор ушлангани хабар қилинган.

«Ёшлар — келажагимиз» жамғармаси Қашқадарё филиали собиқ бошлиғи 1,8 млрд сўмни ўзлаштиргани аниқланди
Янгиликлар22:43 | 26.1.23
«Ёшлар — келажагимиз» жамғармаси Қашқадарё филиали собиқ бошлиғи 1,8 млрд сўмни ўзлаштиргани аниқланди
Ўзбекистон банкоматларида Humo ва Uzcard интеграция қилинади
Янгиликлар22:10 | 26.1.23
Ўзбекистон банкоматларида Humo ва Uzcard интеграция қилинади
Андижонда қариндоши томонидан аёл ва унинг вояга етмаган жияни ўлдириб кетилди
Янгиликлар21:42 | 26.1.23
Андижонда қариндоши томонидан аёл ва унинг вояга етмаган жияни ўлдириб кетилди
Бугун оқшоми. Қирғизистонга ташриф буюрган Мирзиёев, муаллифлар мафияси ҳақида гапирган Алламжонов ва аномал совуқ сабаб киритилган чекловларнинг бекор қилиниши
Янгиликлар21:00 | 26.1.23
Бугун оқшоми. Қирғизистонга ташриф буюрган Мирзиёев, муаллифлар мафияси ҳақида гапирган Алламжонов ва аномал совуқ сабаб киритилган чекловларнинг бекор қилиниши
Шавкат Мирзиёев Қирғизистонга борди — фото
Янгиликлар19:31 | 26.1.23
Шавкат Мирзиёев Қирғизистонга борди — фото
Россия ҳукумати яна 200 минг кишини сафарбарликка жалб этишни режалаштирмоқда. Кремль расмийлари бу маълумотни рад этмоқда
Янгиликлар18:38 | 26.1.23
Россия ҳукумати яна 200 минг кишини сафарбарликка жалб этишни режалаштирмоқда. Кремль расмийлари бу маълумотни рад этмоқда