«Улар ўз ҳаёти билан товон тўлайди» — Исроил бош вазири Қуддусдаги вазият бўйича махсус мурожаат билан чиқди

Исроил бош вазири Биньямин Нетаньяху Фаластиннинг «Хамас» (ягона ислом давлати барпо этишни мақсад қилган Фаластиндаги радикал гуруҳ) ва «Исломий жиҳод» гуруҳлари Исроилга қарши ҳаракатлар учун юқори нархда, ўз ҳаётлари билан товон тўлашини маълум қилди. Бу ҳақда 11 майда бош вазирнинг аҳолига йўллаган мурожаатномасига таяниб, «РИА Новости» хабар берди.

Фото: «РИА Новости»

«Биз хавфсизлик кучлари иштирокида вазиятни баҳолаш бўйича йиғилиш ўтказдик. Биз ‘ХАМАС’ ва ‘Исломий жиҳод’ Исроилга қарши қилган ҳаракатлари учун катта нарх тўлашига қарор қилдик. Мен сизларга бугун улар ўз ҳаётлари билан товон тўлашини айтаман. Биз жирканч душманга қарши бирмиз», — дея таъкидлаган Исроил бош вазири.

Шунингдек, у Ғазо секторидан ўқ отилишлар сабабли ҳужумлар кўламини оширишга қарор қилганини эълон қилган.

«Вазиятни баҳолашни сарҳисоб қилар эканмиз, ҳужумлар кучини ҳам, тезлигини ҳам оширишга қарор қилинди», — дея хабар қилган Нетаньяху.

Маълум бўлишича, 11 май куни тунда катта тартибсизликлар бошланган араб аҳолисининг салмоқли қисми бўлган Исроилнинг Лод шаҳрида фавқулодда ҳолат эълон қилинган. Исроил ҳукумати шаҳарга қўшимча чегара полицияси батальонларини жойлаштиришни бошлаган.

Маълумот ўрнида, Шарқий Қуддусдаги кескинлик 2021 йил апрель ойининг ўрталарида бошланган, 7 май куни эса Исроил чегара полицияси ва фаластинликлар ўртасида йирик тўқнашув келиб чиққан. Тўқнашувлар Исроил Қуддусдан бир неча фаластинлик оилани чиқариб юборишни хоҳлаётгани сабаб бошланган, кейин эса мусулмонлар Ақсо масжидига киритилмагач, яна авж олган.

Ғазо секторидан 10 май куни тунда Исроил томонга 200 га яқин ракета учирилган ва Исроил ҳарбийлари бунга жавобан Ғазо секторидаги 130 га яқин нишонга зарба берган.

БМТ Хавфсизлик Кенгаши 10 май куни Шарқий Қуддусдаги вазиятни ёпиқ ҳолда муҳокама қилган. Бу борада ҳеч қандай маълумот очиқланмаган. Уммонда юзлаб намойишчилар Исроил элчихонаси олдида намойишларда қатнашган. Исломий ташкилотлар Исроил ҳокимиятининг Шарқий Қуддуснинг араб аҳолисига қарши ҳаракатларини қоралаб, Исроил элчисини чиқариб юборишни талаб қилган.

Саудия Арабистони ҳам ал-Ақсо масжидига қилинган ҳужумни қоралаб, Исроилни минтақадаги кескинликни оширишда айблаган. Шунингдек, Араб давлатлари лигаси ҳам Исроил ва Ғазо сектори ўртасидаги можарога муносабат билдириб, ташкилот бош котиби халқаро ҳамжамиятни зудлик билан чоралар кўришга чақирган.

Шуҳрат Абдураҳмонов «Янги Андижон»да ногиронлар учун яратилган шароитни қурувчиларнинг ўзида синаб кўрди — видео
Медиа, Янгиликлар12:53 | 30.11.22
Шуҳрат Абдураҳмонов «Янги Андижон»да ногиронлар учун яратилган шароитни қурувчиларнинг ўзида синаб кўрди — видео
Тошкент ерусти метросининг 19 та бекати номи ўзгаради
Янгиликлар12:36 | 30.11.22
Тошкент ерусти метросининг 19 та бекати номи ўзгаради
Ўзбекистонда декабрь бошидан ҳаво кескин совийди
Янгиликлар12:09 | 30.11.22
Ўзбекистонда декабрь бошидан ҳаво кескин совийди
Тошкентда ЙПХ ходимларидан қочган Nexia ариққа тушиб кетди — видео
Медиа, Янгиликлар11:45 | 30.11.22
Тошкентда ЙПХ ходимларидан қочган Nexia ариққа тушиб кетди — видео
Тошкентнинг қатор кўчаларида ҳаракат вақтинча чекланди
Янгиликлар11:28 | 30.11.22
Тошкентнинг қатор кўчаларида ҳаракат вақтинча чекланди
Тошкентда чақирув бўйича борган профилактика инспектори ўлдирилди
Янгиликлар11:04 | 30.11.22
Тошкентда чақирув бўйича борган профилактика инспектори ўлдирилди