Сутканинг энг диққатга сазовор суратларини эътиборингизга ҳавола этамиз.

Конго Демократик Республикасида вулқондан лава отилиб чиқиши натижасида вайрон бўлган уйлар олдида турган одамлар.

Ҳиндистоннинг Мумбай шаҳрида ННТлар томонидан ташкил этилган хайрия тадбирида ҳимоя кийимидаги сартарош болаларнинг сочини олмоқда. Ҳиндистон охирги ойларнинг касаллик авжига чиққан нуқта бўлди.

Нидерландиянинг Роттердам шаҳрида бўлиб ўтган «Евронигоҳ» танловининг финал босқичида иштирок этаётган грециялик Стефания ўзининг ажойиб чиқиши билан мухлислар қалбидан жой олди.

Германияда қуёш нурлари остида ўсаётган рапс ўсимлиги далалари.

Малайзиянинг Куала-Лумпур шаҳрида коронавирусдан вафот этган беморнинг яқинлари жаноза намозини ўқимоқда.

2011 йилдан буён илк бор Франция чемпионатида чемпионликни қўлга киритган Лилль жамоаси мухлислари севимли жамоаларининг ғалабасини нишонламоқда.

Исроил авиация берган ҳужумлар оқибатида вайрон бўлган Ғазо секторида аҳоли маҳаллий қаҳвахонада овқатланмоқда. Ғазодаги урушда 230 нафар фуқаро ҳалок бўлди.

Испаниянинг жанубий соҳилларида юзага келган муҳожирлар билан боғлиқ гуманитар инқироз давом этмоқда. Бир гуруҳ қутқариб қолинган муҳожирлар Қизил хоч жамияти ташкил қилган лагерда яшамоқда.

Нидерландиянинг Роттердам шаҳрида бўлиб ўтган навбатдаги «Евронигоҳ» танловида Италиянинг «Манескин» рок гуруҳи шов-шувли тарзда ғолибликни қўлга киритди.

АҚШнинг Мексика билан чегарасида мамлакат чегарасини кесиб ўтишга уринаётган муҳожирлар.