Миллиардер ва АҚШнинг собиқ президенти Дональд Трамп «Fox Bussines»га берган интервьюсида биткоинни танқид қилди. Тадбиркор криптовалютани фирибгарлик деб баҳолади ва АҚШ расмийларини мамлакатда рақамли тангалар муомаласини «жуда қаттиқ» тартибга солишга чақирди. Бу ҳақда «BBC» хабар берди.

Келтирилишича, Трамп биткоинга бўлган ёмон муносабатини криптовалютанинг АҚШ доллари билан рақобатлашиши билан изоҳлаган. Собиқ президент фикрига кўра, доллар «дунё валютаси»га айланиши керак.

Таъкидланишича, Трамп АҚШ президенти сифатида 2020 йилда биткоин ва бошқа криптовалюталарни «йўқ қилишни» ва улар билан савдо қилишни тўхтатишни режалаштирган. Давлат раҳбари бу бўйича 2018 йил май ойида АҚШ молия вазири Стивен Мнучинга тегишли кўрсатмалар билан мурожаат қилган.

Аввалроқ Трамп АҚШдаги учинчи муҳим лавозимни эгалламоқчилиги ҳақида хабар берилганди. Шунингдек, Трамп Байденнинг сиёсатини кескин танқид қилгани маълум қилинган.