Россия президенти Владимир Путин ҳаётидаги энг муҳим вазифани маълум қилди. Бу ҳақда давлат раҳбарининг «NBC» телеканалига берган интервьюсига таяниб, «РБК» хабар берди.

Унинг сўзларига кўра, Россияни ҳар томонлама мустаҳкамлаш унинг ҳаётидаги энг муҳим вазифадир. 

«Биласизми, мен тақдиримни мамлакат тақдири билан шунчалик боғлаганманки, Россияни мустаҳкамлашдан бошқа муҳим вазифани ўз олдимга қўя олмайман», — дейди Путин. Шунингдек, давлат раҳбари у кетганидан сўнг мамлакат тақдири қандай бўлишини ҳам айтиб ўтган. 

«Мамлакатда мен кетганимдан, шунингдек, янги раҳбар келганидан сўнг ҳеч қандай туб ўзгаришлар содир бўлмайди», — деб жавоб берган Путин. Шунингдек, у президентликка номзодлар орасидан Ватанга содиқ бўлганларни ҳамда у учун ўз жонини қурбон қилишга тайёрларни қўллаб-қувватлашини таъкидлаган. 

«Агар мен бирон-бир инсон ватанга садоқатли эканини кўрсам, у менга қандай муносабатда бўлишидан қатъи назар, шундай одамларнинг қўллаб-қувватланишини таъминлайман», — дея қайд этган президент.

Аввалроқ Путин АҚШни долларни сиёсий мақсадларда ишлатишда айблагани хабар берилган. Шунингдек, Россияда янги ҳарбий қуроллар ишлаб чиқарилишини маълум қилганди.