Сурхондарё вилояти Термиз шаҳрида қўлбола усулда қурол ясаб сотган эркакка чора кўрилди. Бу ҳақда Олий суд ахборот хизмати хабар берди.

Маълум қилинишича, Ш.Ч. исмли эркак ин­тернет орқали қўл­бола ов қу­роли ясашни ўр­­ганиб, ўзи учун ов милтиғини ясаган. У ушбу қуролнинг ҳақиқийсидан қолишмаганини кўриб, сотишга қарор қилган. Орадан бир оз вақт ўтиб, қўш­ни маҳаллада яшовчи Ш. исмли йигит бир танишига ов милтиғи зарурлигини айтган ва унга буюртма берган.

Ш.Ч. харидорга қўлбола ов милтиғини 2 миллион 600 минг сўмга сотаётган пайтда ҳуқуқни муҳофаза қилувчи идора ходимлари томонидан қўлга олинган. Мазкур ҳолат суд мажлисида кўриб чиқилиб, қо­нуний чора кўрилган. Унга тегишли моддаларга биноан озодликдан маҳрум қилиш (қамоққа олиш) жасоси тайинланган.

Эслатиб ўтамиз, Ўзбекистон ҳудудида ов қу­роли ва ўқ-дориларни ноқонуний тарзда сақлаш, уни қўл­бола усулда ясаш, шунингдек, қурол-яроғ савдоси билан шуғулланиш тақиқланган.

Аввлроқ Тошкент вилоятида қурилиши битмаган иншоот остида қурол сақлаб келган шахс аниқлангани ҳақида ҳабар беилган эди. Шунингдек, Навоийда уйида 2 та ов қуроли сақлаб келган эркак ушлангани маълум қилинган.