Хитойнинг Шинжон провинциясидаги Янтиан терминалининг қисман ёпилиши юкларни яқин-атрофдаги Нанша ва Шекоу портлари орқали олиб ўтишга, бу эса глобал контейнер савдосида узилишларга олиб келмоқда. Бу ҳақда «Интерфакс» хабар берди.

Таъкидланишича, Хитойнинг жанубидаги Гуандунг провинциясида COVID-19 билан касалланиш кўпайиши оқибатида июнда денгиз контейнерларини ташишда узилишлар кузатилган ва бу нафақат Янтиан, балки Гуанчжоу шаҳридаги Шинчжон ва Нанша терминалларига ҳам таъсир кўрсатган. Таъкидланишича, Шинчжеон ва Гуанчжоу дунёдаги учинчи ва бешинчи йирик контейнер портлари ҳисобланади.

Шанхайдаги «AsstrA» филиали менежери Наталья Шманевская Янтай ва Шекоу портларининг ёпилиши буюртмаларни бекор қилишга, рейсларнинг эса кечикишига олиб келаётганини айтган. Шу билан бирга, Хуангпу ва Фошан портларига яқин ҳудудларда юк машиналарининг ҳаракати ҳам чеклангани таъкидланган.

Мутахассислар Хитойнинг жанубидаги портлар фаолиятидаги узилишлар денгиз савдо-сотиғига бир ҳафта давом этган «Ever Given» кемаси томонидан Сувайш каналини тўсиб қўйишдан кўра жиддийроқ таъсир қилиши мумкинлигини истисно этмаган.

Аввалроқ «Ever Given» кемасининг Сувайш каналида тиқилиб қолишига ким айбдор экани айтилганди. Шунингдек, Хитойда сайёҳлар учун «Титаник» нусхаси қурилиши маълум қилинган.