Австралия штатларининг бири бутунлай ўргимчак тўри билан қопланди — фото
Австралиянинг Виктория штати бутунлай ўргимчак тўри билан қопланди. Бу ҳақда «BBC» хабар берди.
Маълум қилинишича, бир неча кун ёққан кучли ёмғирдан сўнг тошқинлар юз берган. Бунинг оқибатида мамлакат ҳудуди бўйлаб ўргимчаклар тарқала бошлаган. Энг катта зарар эса Виктория штатига тўғри келган.
Мутахассисларнинг таъкидлашича, ўргимчаклар сув сатҳидан баландроқда бўлиш ва шу билан ўзини ҳамда наслини қутқариш учун тўрдан фойдаланган бўлиб, сув кетиши билан улар яна ерга тушади.
Маълумотларга кўра, айни пайтда штат бўйлаб тарқалган тўрларнинг узунлиги бир неча киломертга етган.
Аввалроқ австралиялик олимлар энг катта динозавр турини аниқлаган. Шунингдек, мамлакатда 2,5 соатлик махсус парвоз амалга оширилиши айтилганди.
