Навоийдаги қамоқхонада 2 маҳбус никоҳдан ўтди — видео
Навоий вилоятидаги қамоқхонада 2 маҳбуснинг никоҳи қонуний қайд этилди. Бу ҳақда «Zamon» информацион дастури хабар берди.
Маълум бўлишича, 20 ёшли маҳкум майда безорилик ҳамда ўғрилик жиноятини содир этгани учун қамалган. Шунингдек, уларга йиллик белгиланган учрашувлардан ташқари тўёна сифатида қўшимча учрашув ўтказиш тасдиқланган. Таъкидланишича, уларга йилига жами 7 марта кўришишга рухсат берилган.
Эслатиб ўтамиз, аввалроқ Навоийда қамоқхонадаги эркак террористик ташкилот ғояларини қўлёзма шаклида маҳкумларга тарқатгани хабар қилинган. Шунингдек, Ўзбекистонда журналистларнинг қамоқхонага ташрифига оид янги тартиб тасдиқлангани маълум қилинган.
