Нукусдан Оқтовга мунтазам авиақатнов йўлга қўйилди
Нукус–Оқтов–Нукус йўналишида 21 июндан бошлаб мунтазам авиақатнов йўлга қўйилади. Бу ҳақда «Uzbekistan Airways» ахборот хизмати хабар берди.
Маълум қилинишича, 21 июндан авиакомпания Нукус–Оқтов–Нукус йўналиши бўйича ҳафтанинг душанба кунлари мунтазам қатновларни амалга оширади. Шунингдек, Урганч–Оқтов–Урганч йўналишида ҳам ҳафтасига икки маротаба — душанба ва жума кунлари мунтазам қатновлар бажарилади.
Шу билан бирга, Нукус–Оқтов йўналиши бўйича авиачипта нархи 1 093 000 сўмдан, Нукус–Оқтов–Нукус йўналиши бўйича эса — 1 869 000 сўмдан бошланади.
Аввалроқ Тошкент–Урганч–Оқтов йўналишида янги авиақатнов йўлга қўйилиши хабар қилинганди. Шунингдек, Тошкентдан Бухорога қўшимча авиақатнов йўлга қўйилгани маълум қилинган.
