Рус мухолифатчиси Навальний бир шарт билан АҚШга топширилиши мумкин
Россия президенти матбуот котиби Дмитрий Песков мухолифатчи Навалнийнинг АҚШга топширлиши шартини маълум қилди. Бу ҳақда «Ведомости» хабар берди.
Песковнинг сўзларига кўра, бунинг учун Вашингтон Навальний АҚШ фуқароси экани ва Америка разведка хизматларида ишлаётганини тасдиқлаши керак. Шунингдек, Песков Байден ва Путиннинг Женевадаги учрашувида бу масала фақатгина тор доирада кўрилгани, унинг тафсилотларини очиқлай олмаслигини таъкидлаган.
Маълумот ўрнида, 2020 йилнинг октябрь ойида Песков журналистларга Россия ва Германияда АҚШ Марказий разведка бошқармаси мутахассислари Навальний билан ҳамкорлик қилаётгани тўғрисида маълумот борлигини айтганди.
Аввалроқ Байден Навальнийнинг ўлими Россия учун қандай оқибатларга олиб келишини айтганди. Шунингдек, мухолифатчига қарши яна бир янги жиноий иш қўзғатилганди.
