Ўзбекистонда болалар телеканалида яланғоч аёллар сурати намойиш этилди
«Ақлвой» телеканалида 17 июнь куни яланғоч аёл тасвирланган лавҳа эфирга узатилди. Телеканал маъмурияти ҳолат юзасидан изоҳ берди.
Маълум қилинишича, бу лавҳанинг эфирга кетишига техник хатолик сабаб бўлган. Масъул ходимга эса чора кўрилган.
«Аввало, бу ҳолат учун телетомошабинлардан узр сўраймиз. Бундан ҳеч қандай мақсад кўзланмаган эди. Техник хатолик боис эфирга тақдим этилди. Бу борада масъул ходимга чора ҳам кўрилди», – дейди телеканал маъмурияти.
Эслатиб ўтамиз, «Ақлвой» телеканали Вазирлар Маҳкамасининг 2020 йил август ойида қабул қилинган «Ихтисослашган болалар кўнгилочар-маърифий телеканалини ташкил этиш тўғрисида»ги қарори асосида 23 март куни фаолиятини бошлаганди.
