Журналистлар 16 июнь куни бўлиб ўтган Женева саммити пайтида АҚШ президенти Жо Байденнинг россиялик ҳамкасби Владимир Путинга берган совғасининг нархини аниқлади. Бу ҳақда «Osnmedia» хабар берди.

Маълум қилинишича, Байден совға сифатида махсус буюртма асосида ишлаб чиқарилган «Randolph» авиатор кўзойнагини танлаган. Унинг нархи эса 299 долларни (тахминан 3 миллион сўм) ташкил этади. 

Қайд этилишича, Россия президентига, бундан ташқари, «Steuben Glass» брендининг бизон (Шимолий Америка буқаси) биллур ҳайкалчаси ҳам берилган. Оқ уй матбуот котибининг баёнотига кўра, бизон АҚШдаги энг улуғвор ҳайвонлардан бири бўлиб, куч, бирлик ва чидамлиликни англатади.

Аввалроқ Байден ва Путин бир–бирига қандай совға бергани хабар берилган. Шунингдек, Путин нима сабабдан Байден билан учрашганини маълум қилганди.