Эрон президенти Ҳасан Руҳоний президентлик сайловларида ким ғолиб чиққанлиги аллақачон маълум бўлганини айтиб, ғолиб номзодни табриклади. Бу ҳақда «Al Jazeera» хабар берди.

Келтирилишича, мамлакат суд тизими раҳбари Иброҳим Раиси Эронда бўлиб ўтган президентлик сайловларида ғолиб чиқмоқда. Дастлабки натижаларга кўра, у 17,8 миллион овоз олган. Қолган иштирокчилар ҳатто 5 миллион овоз тўплай олмаган. Сиёсатчи аллақачон давлат арбобларининг табрикларини қабул қилмоқда. 

Маълумот ўрнида, Эронда 18 июнь президентлик сайловлари бўлиб ўтганди. Эрон ички ишлар вазири Абдолреза Раҳмани Фазли сайловнинг дастлабки натижалари овоз бериш тугагандан кейин икки кун ичида эълон қилинишини маълум қилган. Президентлик лавозимига тўрт номзод рақобатлашган. Дастлаб номзодлар сони кўп бўлган, аммо сўнгги бир ҳафта ичида кўпчилик ўз номзодини қайтариб олган. Эроннинг амалдаги президенти Ҳасан Руҳоний эса икки муддат кетма-кет президент лавозимида ишлаб келгани учун ўз номзодини кўрсатиш ҳуқуқига эга бўлмаган.

Аввалроқ Сурияда президент сайлови бўлиб ўтгани ҳабар қилинганди. Шунингдек, Суриядаги президентлик сайлови натижалари эъон қилинганди.