Тошкент шаҳри Шайхонтоҳур туманида фуқароларни Чирчиқ давлат педагогика институти ёки Тошкент давлат педагогика университетига ўқишга киритиб қўйишни ваъда қилган ўқитувчи ушланди. Бу ҳақда Иқтисодий жиноятларга қарши курашиш департаменти ахборот хизмати хабар берди.

Маълум қилинишича, Чирчиқ давлат педагогика институти ўқитувчиси Ш.Э. фуқаро Б.Т. ва Э.Ж.ни ушбу институт ёки Тошкент давлат педагогика университетига танишлари орқали ўқишга киритиб қўйишини ваъда қилган. Бунинг учун фуқаролардан 6000 долларни олган вақтида ашёвий далиллар билан ушланган.

Ҳолат юзасидан Жиноят кодексининг 168-моддаси (Фирибгарлик) ва 28, 211-моддаси (Пора бериш) билан жиноят иши қўзғатилиб, тергов ҳаракатлари ўтказилмоқда.

Аввалроқ Тошкентда фуқарони Сержантлар тайёрлаш мактабига ўқишга киритиб қўймоқчи бўлганлар ушлангани хабар қилинганди. Шунингдек, Сирдарёда 3 нафар фуқарони ўқишга киритишини айтиб, талабалик буйруғини сохталаштирганлар қўлга олинган.