Россиялик мухолифатчи Алексей Навальнийнинг 278 минг фойдаланувчиси бўлган Telegram каналига 22 июнь куни тунда мессенжер маъмуриятидан техник хабар келган. Унда мухолифатчи каналга эгалик қилиш ҳуқуқидан маҳрум бўлиши ҳақида огоҳлантирилган. Бу ҳақда «UNN» хабар берди.

Маълум бўлишча, хабарда сўнгги беш ой ичида ушбу каналга эгалик қиладиган фойдаланувчининг аккаунти фаол бўлмагани келтирилган ҳамда кейинги 27 кун давомида ҳам актив бўлмаса, у автоматик равишда каналга эгалик ҳуқуқидан маҳрум қилиниши мумкинлиги айтилган.

Коррупцияга қарши кураш жамғармаси директори Иван Жданов Навальний жамоаси «техник муаммо» мавжудлиги ва жамоа уни, албатта, ҳал қилишини айтган. «Канал олдин қандай фаолият олиб борган бўлса, худди шундай ишлашда давом этади», — деган Жданов.

Аввалроқ рус мухолифатчиси Навальний бир шарт билан АҚШга топширилиши мумкинлиги хабар қилинганди. Шунингдек, Байден Навальнийнинг ўлими Россия учун қандай оқибатларга олиб келишини айтганди.