Қашқадарёда салкам ярим тонна номаълум ҳайвон гўштини олиб кетаётган ҳайдовчи ушланди — фото
Қашқадарё вилояти Чироқчи туманида 22 июнь куни салкам ярим тонна номаълум ҳайвон гўштини олиб кетаётган ҳайдовчи ушланди. Бу ҳақда Йўл ҳаракати хавфсизлиги бош бошқармаси ахборот хизмати хабар берди.
Маълум қилинишича, 22 июнь куни соат 01:30 ларда Чироқчи тумани ҳудудида жойлашган Умакай йўл-патруль хизмати масканида хизмат олиб борган ЙПХ ходими томонидан Қарши–Тошкент йўналиши бўйлаб ҳаракатланиб келган «Kia Carnival» автомобили тўхтатилган. Машина текширилганда, юкхонасида тўқ қизил рангли, ноъмалум ҳайвонга тегишли бўлган, жами оғирлиги 460 килограмга тенг гўшт маҳсулотлари борлиги аниқланган.
Маҳсулот туман ветеринария бўлимининг лабораториясида текширилганда истеъмолга яроқсизлиги аниқланиб, белгиланган тартибда йўқ қилинган.
Аввалроқ Бухорода 2 ҳайдовчи ҳужжатсиз гўшт олиб кетаётгани аниқлангани хабар қилинганди. Шунингдек, Қашқадарёда салкам 2 тонна сифатсиз гўшт йўқ қилинган.
