Халқаро «Mercer» консалтинг компанияси сайёҳлар учун яшаш энг қиммат бўлган шаҳарлар рейтингини эълон қилди. 

Рейтингга кўра, биринчи ўринни Туркманистон пойтахти Ашхобод эгаллаган. 2018 йилда мамлакат кучли ўнликка киритилмаган, 2020 йилда эса рўйхатда иккинчи ўриндан жой олган. 2021 йил Туркманистонда  молиявий инқироз юзага келиши оқибатида озиқ-овқат танқислиги ва гиперинфляция юзага келган. Бу эса сўнгги икки йил ичида Ашхободда яшаш нархининг ўсишига олиб келган.

Рўйхатда иккинчи ўринни Гонконг, учинчи ўринни Байрут, тўртинчи ўринни Токио олган ва Швейцариянинг Цюрих шаҳри кучли бешликни ёпган.

Таъкидланишича, Ўзбекистон пойтахти Тошкент 209 та шаҳар ичидан 203-ўринни эгаллаб, энг арзон шаҳар мақомини олган. 2020 йилда эса 206-ўринда бўлган. Дунё шаҳарлари ичида энг арзон шаҳар сифатида Қирғизистон пойтахти Бишкек танланган.

Қайд этилишича, рейтингда дунёнинг 209 та йирик шаҳарларида уй-жой, транспорт, озиқ-овқат, кийим-кечак, кўнгил очиш ва хизматлар нархи ҳамда у ерда ишлатиладиган миллий валюта курсларининг ўзгариши каби омиллар ҳисобга олинган. 

Аввалроқ дунёдаги экологик жиҳатдан энг тоза шаҳар аниқланганди. Шунингдек, дунёдаги энг нуфузли «кучли ўнталик» давлатлар рейтинги эълон қилинганди.