Навоийда аҳоли ҳудудда заҳарли тутундан азият чекаётганини айтиб, чора кўришни сўради

Навоий вилояти Кармана туманида аҳоли ҳудудда заҳарли тутундан азият чекаётганини айтиб, чора кўришни сўради. Ҳолат юзасидан вилоят Экология бошқармаси ахборот хизмати муносабат билдирди.

Фото: Навоий вилояти Экология бошқармаси ахборот хизмати

Маълум қилинишича, 18 июнь кунидан Кармана туманида жойлашган «Бережливость» ХИЧКга қарашли маиший хўжалик чиқиндиларини кўмиш полигонида ёнғин чиққани ҳамда атмосфера ҳавоси бузилгани тўғрисидаги шикоят вилоят Экология бошқармаси томонидан ўрганилган. Ўрганишлар натижасида об-ҳавонинг кескин исиб кетиши оқибатида чиқиндилар кўмилган полигонда чиқинди қизиб, тутаган ҳамда 19 июнь куни ёнғин содир бўлгани аниқланган.

Фото: Навоий вилояти Экология бошқармаси ахборот хизмати

Оқибатда атмосфера ҳавосига катта миқдорда тутун, турли газлар, канцероген моддалар, ис гази ва бошқа моддалар ажралиб чиққан. Шамолнинг йўналишини ҳисобига ушбу газлар шаҳар атмосфера ҳавосида сақланиб, аномалия ҳолатларини содир этган ва аҳоли учун ноқулай шароитни келтириб чиқарган.

Ҳолат бошқарма ходимлари томонидан бориб ўрганиб чиқилган ва қонуний чоралар кўрилган бўлишига қарамасдан корхона томонидан аҳоли ва ҳудудларнинг табиий ва техноген хусусиятли фавқулодда вазиятлардан муҳофаза қилиш, фуқаро муҳофазаси ва ёнғин хавфсизлигини таъминлаш соҳасида қонунчилик талабларига амал қилинмагани оқибатида чиқиндиларни кўмиш полигонида ёнғин келиб чиққан.

Фото: Навоий вилояти Экология бошқармаси ахборот хизмати

Шунингдек, корхоналардан 20 дан ортиқ техникалар, 2 та юқори сиғимли сув монитор гидрантлари, 3 та ўт ўчириш машиналари, 2 та бульдозер, 20 та «HOWO» юк ташувчи автотранспорт воситалари жалб қилинган. Улар ёрдамида 500 метр/куб қум-тупроқлар ташланиб, ёнган ҳудудларни кўмиб ташлаш чоралари кўрилган. Тутуннинг шаҳар ҳудудига таъсир доирасига қараб, кечки пайтларда бошқарманинг лабораторияси шаҳар ҳудудида атмосфера ҳавосидан намуналар ҳамда таҳлил ишларини олиб боришга келишиб олинган.

Фото: Навоий вилояти Экология бошқармаси ахборот хизмати

Бундан ташқари, 22 июнь куни вилоят Экология ва атроф-муҳитни муҳофаза қилиш бошқармаси Атроф муҳит ифлосланишини мониторинг қилиш бўлими (Аналитик лаборатория) ва Гидрометеорология бошқармаси ҳузуридаги Навоий шаҳар атмосфера ҳавосини мониторинг қилиш лабораториялари билан ҳамкорликда чиқиндихонанинг санитар ҳимоя минтақасидан намуналар олиниб, таҳлил ишлари олиб борилган.

Фото: Навоий вилояти Экология бошқармаси ахборот хизмати

Экология ва атроф муҳитни муҳофаза қилиш бошқармаси Аналитик лабораторияси томонидан чиқиндихонанинг шарқий томонидан олинган намуналар таркибидан қуйидагилар аниқланган: азот оксиди ПДК 0,06 натижа 1,67 маротаба, азот оксидлари ПДК 0,085 натижа 1,76 маротаба, олтингугурт икки оксиди ПДК 0,5 натижа 1,3 маротаба, углерод икки оксиди ПДК 5 натижа 1,2 маротаба белгиланган меъёрлардан юқори ҳолатни кўрсатган. Гидрометрология лабораторияси таҳлиллари натижалари ноорганик чанг ПДК 0,5 натижа 1 маротаба, олтингугурт оксиди ПДК 0,5 натижа 0,38 маротаба, углерод оксиди ПДК 5 натижа 1,4 маротаба, азот икки оксиди ПДК 0,085 натижа 1,05 маротаба, аммиак ПДК 0,2 натижа 1 маротаба белгиланган меъёрлардан юқорилиги аниқланган. 

Фото: Навоий вилояти Экология бошқармаси ахборот хизмати

Меъёрдан юқори чиққан ҳолатлар бўйича табиатга етказилган зарар ва атмосфера ҳавосини ифлослантиргани учун маъмурий баённома расмийлаштирилиб, барча ҳолатлар бўйича судга чиқариш учун ҳужжатлар таёрланмоқда. Ушбу ҳудуд вилоят Экология бошқармаси давлат инспекторлари томонидан назоратга олинган. 

Аввалроқ Тошкентда туман аҳолиси ҳудудда фоҳишалар ва гиёҳвандлар кўпайганини айтиб, чора кўришни сўрагани хабар қилинганди. Шунингдек, Навоийда ноқонуний тилла қазиб олмоқчи бўлган 4 нафар шахс заҳарланиб, ҳалок бўлгани маълум қилинган.

Малайзияда ўзбек ресторанлари ва бошқа овқатланиш шохобчалари очилади
Янгиликлар21:12 | 5.2.23
Малайзияда ўзбек ресторанлари ва бошқа овқатланиш шохобчалари очилади
Ўзбекистон ТИВда Исроил элчиси билан учрашув бўлиб ўтди
Янгиликлар20:43 | 5.2.23
Ўзбекистон ТИВда Исроил элчиси билан учрашув бўлиб ўтди
Намангандан Қорахонийлар даврига оид деворий суратлар, тангалар ва Дамашқ қиличлари топилди
Янгиликлар20:18 | 5.2.23
Намангандан Қорахонийлар даврига оид деворий суратлар, тангалар ва Дамашқ қиличлари топилди
Хитой Ўзбекистонда «яшил» энергия ишлаб чиқаришда иштирок этади
Янгиликлар19:48 | 5.2.23
Хитой Ўзбекистонда «яшил» энергия ишлаб чиқаришда иштирок этади
Сирдарёда ноқонуний тарзда ёввойи тўнғиз овланди
Янгиликлар19:17 | 5.2.23
Сирдарёда ноқонуний тарзда ёввойи тўнғиз овланди
Ўзбекистонда ҳафта ўртасига бориб ҳарорат 20 даражагача исийди
Янгиликлар18:44 | 5.2.23
Ўзбекистонда ҳафта ўртасига бориб ҳарорат 20 даражагача исийди

Муҳим хабарлар

Эксклюзив: телефонидан диний қўшиқ топилган 21 ёшли йигит қамоқда калтакланганми?

10:02 · 05.02.2023

Тошкент вилоятида қурилиш крани қулаши оқибатида машинист вафот этди — видео

20:51 · 04.02.2023

Киев Грузияни Саакашвилининг «устидан кулишни» тўхтатишга чақирди

20:31 · 04.02.2023

«Украина ҳарбийларига қурол етказиб бериш ва уларни тайёрлашда ‘вақт билан пойга’ кетмоқда» — NYT

19:57 · 04.02.2023

Ўзбекистонда 5 февраль куни ҳарорат 15 даражагача илийди

17:59 · 04.02.2023

«Болаларга жинсий зўравонлик қилганларга энг оғир жазо тури қўлланилиши керак» — Алия Юнусова

17:24 · 04.02.2023

Бухородаги ўқув марказида болаларга ноқонуний диний таълим бериб келигани аниқланди

15:25 · 04.02.2023

Bloomberg ўз платформалари орқали Ўзбекистоннинг бизнес ҳамда сайёҳлик салоҳиятини тарғиб қилмоқчи

14:17 · 04.02.2023

Туркманистон Ўзбекистонга бепул суюлтирилган газ етказиб беради

14:00 · 04.02.2023

Ўзбекистондаги айрим дорихоналарда Quramax’нинг тақиқланган дорилари ҳамон сотилаётгани аниқланди

13:09 · 04.02.2023