Бутунжаҳон олтин кенгаши (WGC) томонидан 2021 йил июнь ойида эълон қилинган маълумотларга кўра, глобал олтин қазиб олиш конлари 2020 йилда 3478,1 тоннани (122,7 миллион унция) ташкил этди. «Forbes» ушбу маълумотларга таяниб, дунёнинг олтин қазиб чиқариш бўйича етакчи бўлган Топ-10 мамлакатини эълон қилди.

Маълум бўлишича, глобал олтин қазиб олиш кўрсаткичи сўнгги икки йилга нисбатан бир оз камайган. Хусусан, Жанубий Африка 1970 йилда 1000 тоннадан зиёд олтин қазиб олиш бўйича глобал етакчи бўлган, аммо шундан сўнг унинг ҳажми кескин пасайиб кетган. 2020 йил олтин ишлаб чиқаришда етакчи бўлган Топ-10 мамлакат рўйхатидан чиқиб кетган.

Янгиланган рўйхатда Ўзбекистон олтин қазиб олиш бўйича 8-ўринни эгаллаган. 2020 йил мамлакатда олтин ишлаб чиқариш ҳажми сезиларли даражада ошган. Жумладан, 2019 йилда 94,6 тоннадан 101,6 тоннага етган. Бу эса қазиб олиш илк бор бир йилда 100 тоннадан ошганини билдиради. 

«Forbes» Ўзбекистонда майдони бўйича дунёдаги энг йирик «Мурунтов» олтин кони мавжудлиги ва геологлар фикрига кўра, бу конда дунёдаги энг катта олтин захираси бўлиши мумкинлигини айтган.

Аввалроқ Ўзбекистонда 2021 йилда қанча кўмир қазиб олиш режалаштирилгани айтилганди. Шунингдек, Ўзбекистондаги «Мурунтов» кони олтин қазиб олиш бўйича дунёда етакчига айлангани маълум қилинган.