Дунёдаги 9 та мамлакатда коронавируснинг «дельта», яъни «ҳиндча» штаммининг мутацияланган «дельта плюс» тури аниқланди. Бу ҳақда «ANI News» хабар берди.

Маълум қилинишича, коронавируснинг «дельта плюс» варианти Ҳиндистон, АҚШ, Буюк Британия, Португалия, Швейцария, Япония, Польша, Непал, Хитой ва Россияда қайд этилган. Ушбу штамм «ташвиш уйғотувчи» дея таснифланган. Мутахассислар янги мутациянинг хавфи ҳали ҳам номаълум бўлиб, фақатгина у юқумли экани, ўпка ҳужайралари билан кучлироқ бирикиб, эҳтимол, антитаначаларга қаршилик кўрсата олишини маълум қилган.

Маълумот учун, ҳиндистонлик шифокорлар коронавирус инфекциясининг янги аломати топилганини эълон қилганди. Улар мавжуд симптомлар рўйхатига оғиз қуришини киритиш фикрини билдириб, тилдаги қичишиш, оғриқ, тирнаш хусусиятига эътибор беришга чақирган. Шунингдек, камдан-кам ҳолларда беморларнинг оғзида яралар пайдо бўлиши мумкинлигини қайд этган.

Эслатиб ўтамиз, Ўзбекистонда ҳам коронавируснинг «ҳиндча» штамми аниқланганди.

Аввалроқ эмланганларда учрайдиган коронавирус аломати маълум бўлганди. Шунингдек, коронавируснинг болалар учун яна бир хавфли оқибати айтилган.