АҚШнинг собиқ президенти Дональд Трамп Хитой расмийлари Ухан шаҳридаги лабораторияда коронавирус тарқалишига оид далилларни йўқ қилганини айтди. Бу ҳақда «Fox News» хабар берди.

Келтирилишича, Трамп вирус дастлаб Хитой лабораториясидан тарқала бошлаганига ишонч билдирган.

«Вируснинг Хитойдан тарқалиши мен учун аниқ эди. Бу ҳақда анча олдин ҳам айтганман. Вирус тасодифан тарқалган деб ҳисоблайман. Аммо бу тасодиф эмас деб ишонадиганлар ҳам бор», — деган АҚШнинг собиқ президенти.

Айни пайтда, Трампнинг сўзларига кўра, вируснинг Хитой лабораториясидан тарқалгани ҳақидаги хабарлар АҚШда оммалашмоқда ва Хитой дунё мамлакатларига етказган зарари учун товон пули тўлаши керак.

Аввалроқ Трамп коронавирусга чалинганларни хавфли маҳбуслар сақланадиган қамоқхонага юборишни таклиф қилгани маълум бўлганди. Шунингдек, АҚШ коронавируснинг сунъий яратилганини тасдиқлаганди.