Пентагоннинг Сунъий интеллектни тадқиқ қилиш бўйича қўшма маркази генерал-лейтенанти Майкл Грон АҚШ қайси соҳада етакчи эканини маълум қилди. Бу ҳақда «ТАСС» хабар берди.

Келтирилишича, Қўшма Штатлар сунъий интеллект технологиялари бўйича тадқиқотларда етакчилик қилмоқда ва бу бошқа нарсалар қатори Россия ва Хитой билан рақобатлашишда ёрдам беради.

«Бизда ҳақиқатдан ҳам бу соҳа бўйича мукаммаллик бор. Энг қийин муаммоларни ҳал қилишда сунъий интеллект ва янги технологик ёндашувдан фойдаланамиз», — деган Майкл Грон.

Генералнинг таъкидлашича, Пентагон ва АҚШ хавфсизлик хизматлари сунъий интеллект технологияларини «ўзларининг ҳарбий устунлигини» сақлаб қолиш ва ошириш имконияти сифатида фойдаланади.

«Ушбу технологиялар Мудофаа вазирлиги томонидан турли хил қўшинларда, хусусан, АҚШ денгиз кучларида фаол равишда татбиқ этилмоқда», — дея қўшимча қилган Грон.

Аввалроқ Байден АҚШ қайси соҳада Хитойдан орқада қолаётганини айтганди. Шунингдек, АҚШ дунё етакчилигидан маҳрум бўлишининг сабаби маълум қилинган.