Бухоро ИИБ террор гуруҳлар таркибига қўшилишга ундаган шахсларга қидирув эълон қилди — видео
Бухоро вилояти Ички ишлар бошқармаси халқаро экстремистик гуруҳлар таъсирига тушиб, уларнинг сафига қўшилган 8 нафар фуқарога нисбатан қидирув эълон қилди. Бу ҳақда бошқарма ахборот хизмати «Bugun.uz»га хабар берди.
Коллаж: «Bugun.uz»
Маълум қилинишича, қидирув эълон қилинган шахслар интернет орқали террор гуруҳлар таркибига жалб қилиш, тақиқланган экстремистик мазмундаги маърузаларни эшитиш ва тарқатиш билан шуғулланиб келган.
Хусусан, Бухоро шаҳридан:
- Рустам Ҳайитов (1989 йилда туғилган),
- Истам Кенжаев (1990 йил),
- Мухтор Зокиров (1965 йил);
Бухоро туманидан:
- Жаҳонгир Садиров (1979 йил),
- Азиз Жумаев (1985 йил);
Вобкент туманидан:
- Баҳодир Шукуров (1987 йил).
Аввалроқ Наманган ИИБ экстремистик гуруҳларга қўшилиб кетган 10 нафар фуқарога қидирув эълон қилганди. Шунингдек, Ўзбекистонда конституциявий тузумни ағдариш ҳақида маъруза қилган Абдуллоҳ Зуфарга қидирув эълон қилингани хабар қилинган.
