Тошкент метрополитенида яна носозлик содир бўлди — видео
Тошкент метрополитенининг «Чилонзор» бекатида 27 июнь куни поезд вагонлари билан боғлиқ носозлик кузатилди. Бу ҳақда «Daryo» хабар берди.
Хабарга кўра, 27 июнь куни соат 12:50 да «Чилонзор» бекатига Сергели тарафдан кириб келган поезд составидаги тўртала вагоннинг эшиклари очилмай қолган. Йўловчилар тахминан 10 дақиқа вагондан чиқа олмаган. Носозликни бартараф этиб бўлмагач, машинист хонаси орқали вагонларга кирган масъуллар эшикларни ичкаридан очиб чиққан.
Аввалроқ Тошкент метрополитенида поезд тескари ҳаракатлангани хабар қилинганди. Шунингдек, Тошкент метрополитени бекатида поезд бир неча дақиқа тўхтаб қолгани маълум қилинган.
