АҚШ қитъалараро кучли баллистик ракетани синовдан ўтказади
АҚШ ҳукумати икки йил ичида «Ground Based Strategic Deterrent» қитъалараро баллистик ракетасини синовдан ўтказмоқчилиги маълум қилинди. Бу ҳақда «Popular Mechanics» хабар берди.
Маълум қилинишича, ушбу турдаги ракетанинг янгиланган версияси Америка ҳарбий мудофаа таркибининг асосий қисмлари бўлган мавжуд «LGM-30G Minuteman III» баллистик ракеталари ўрнини босади. Яқин келажакда АҚШ ҳукумати бунинг учун тахминан 60 миллиард доллар ажратиши режалаштирилган. Қуруқликка асосланган стратегик баллистик ракета дунёдаги энг кучли ракеталардан бири бўлиши кутилмоқда. У деярли Ердаги ҳар қандай нишонга зарба бера олиши таъкидланган.
Аммо айрим мутахассисларнинг фикрига кўра, АҚШ янги қурилма ўрнига эски ракеталардан фойдаланса, миллиардларни тежайди. Баллистик ракета синови 2023 йилда бошланади. Ҳозирда ракета дизайни уcтида иш олиб борилмоқда.
Аввалроқ Исроилнинг дронларни йўқ қилувчи жанговар лазери синовдан муваффақиятли ўтганди. Шунингдек, АҚШ Атлантика океанида янги кемани синаш учун 18 тоннали бомба портлатган.
