«Tesla», «SpaceX» асосчиси, миллиардер Илон Маскнинг бойлиги бир ҳафтада 9,9 миллиард долларга ошди. Бу ҳақда «Forbes» хабар берди.

Келтирилишича, миллиардер бойлиги «Tesla» акциялари қийматининг ҳафта оҳирида 7,8 фоизга ўсиши ҳисобига ошган. Бунинг натижасида Маскнинг умумий бойлиги 165,9 миллиард долларни ташкил қилган. У ҳанузгача дунё миллиардерлари рейтингида учинчи ўринни эгаллаб турибди.

Компания активларининг кескин ўсиши Оқ уй ва АҚШ демократик ва республикачилар партиясининг бир гуруҳ сенаторлари 23 июнда «инфратузилма пакети» ҳақида тахминан 1,2 триллион долларлик келишувга эришгани билан боғлиқлиги айтилган.

Маълумот учун, американинг «Tesla Motors» компанияси 2003 йилда электр транспорт воситалари ва тегишли технологияларни ишлаб чиқарувчи сифатида ташкил этилган. Компаниянинг бош офиси Калифорниянинг Пало Альто шаҳрида жойлашган. Электр транспорт воситаларидан ташқари, компания ўз технологиясидан фойдаланган ҳолда батареялар ва электр моторларини ишлаб чиқаради ва бошқа автомобиль компанияларига, хусусан, «Toyota» ва «Daimler»га сотади.

Аввалроқ Илон Маск компанияси 2021 йил сентябригача бутун дунёни симсиз интернет билан таъминламоқчи экани хабар қилинганди. Шунингдек, Илон Маск қачондан бошлаб «Tesla» учун тўлов биткоин орқали амалга ошишини айтганди.