Буюк Британия ташқи ишлар вазирининг шахсий телефон рақами интернетда тарқалиб кетди
Буюк Британия ташқи ишлар вазири Доминик Раабнинг шахсий телефон рақами интернетда тарқалиб кетди. Бу ҳақда «The Guardian» хабар берди.
Маълум қилинишича, вазирнинг шахсий телефон рақами 2010 йилдаёқ интернетда тарқалган. Аммо бу ҳақда оддий одамлар билмаган.
Қайд этилишича, телефон рақамидан ташқари, Раабнинг бошқа шахсий маълумотлари ҳам очиқ ахборотлар орасида пайдо бўлган. Бу ҳақда Ташқи ишлар вазирлиги хабар топиши билан маълумотлар ўчирилган.
«Буюк Британия ҳукумати аъзолари шахсий маълумотларига бепарво қарайдиганга ўхшайди», деб ёзган «Daily Mail» нашри 2021 йил апрель ойида Буюк Британия бош вазири Борис Жонсоннинг ҳам шахсий телефон рақами кўп йиллар давомида интернетда мавжуд бўлганини, аммо ҳеч қандай чора кўрилмаганини қўшимча қилган ҳолда.
Буюк Британиянинг собиқ миллий хавфсизлик бўйича маслаҳатчиси Питер Риккеттснинг сўзларига кўра, вазирнинг қўнғироқларини чет эл разведка хизматлари ёки жиноий гуруҳлар яширинча тинглаган бўлиши мумкин.
Аввалроқ Британиядаги автобус бекатида Мудофаа вазирлигининг махфий ҳужжатлари топилгани хабар берилган. Шунингдек, мамлакат мудофаа вазири махфий ҳужжатлар йўқолгани учун узр сўрагани маълум қилинганди.
