Чирчиқда танасини машина ойнасидан чиқариб олган йўловчи қизга чора кўрилди
Тошкент вилояти Чирчиқ шаҳрида 26 июнь куни «Spark» ҳайдовчиси машинадаги йўловчи қиз танасини ойнадан чиқариб олгани учун жаримага тортилгани ҳақида хабар берилган эди. Йўл ҳаракати хавфсизлиги бош бошқармасининг маълум қилишича, йўловчи қизнинг шахси аниқланди.
Хабарга кўра, Тошкент вилояти Ички ишлар бош бошқармаси ЙҲХБ ходимлари томонидан қўшимча суриштирув ишлари олиб борилиб, танасини автомашинадан чиқариб ҳаракатланган фуқаро аниқланди ва унга нисбатан тегишли тартибда маъмурий баённома расмийлаштирилди.
Аввалроқ ҳайдовчига нисбатан йўловчининг хавфсизлигини таъминламагани ва йўл ҳаракати қоидаларининг 11-бандида кўрсатиб ўтилган талабларни бажармагани учун маъмурий баённома расмийлаштирилган эди.
Аввалроқ Сурхондарёда тўй кортежида қарама-қарши йўналишда ҳаракатланган «Lacetti» ҳайдовчисига чора кўрилгани ҳақида хабар берилганди. Маълум бўлишича, йўловчи ҳаракат давомида люкдан бошини чиқариб, ҳолатни видеога олган.
