Германияда кучли тошқин содир бўлди — видео
Германиянинг жануби ва ғарбий қисмида бўронли шамол билан келган ёмғир оқибатида тошқин юзага келди. Бу ҳақда «Deutsche Welle» хабар берди.
Маълум бўлишича, Бавария федерал ерларида бир нечта қишлоқларни сув босган, одамлар ертўлалардан сувни чиқаришга ҳаракат қилмоқда.
Штутгарт шаҳрида опера биноси жиддий зарар кўрган. Унинг томи қисман учиб кетган ва бинодаги бир нечта ҳайкаллар ағдарилиб тушган. Хабар қилинишича, бу вақтда концерт залида 250 томошабин бўлган.
Шунингдек, шаҳарда бир нечта автомобиль ҳаракатланувчи туннеллар сув остида қолган. Яқин кунларда бўрон Германиянинг шимол ва шарқига қараб ҳаракатланиши кутилмоқда.
Аввалроқ Қримни бир аср ичидаги энг кучли ёмғир оқибатида сув босганди. Шунингдек, Индонезияда кучли тошқин оқибатида 70 дан ортиқ одам вафот этганди.
