Россия президенти Владимир Путин 24 март куни коронавирусга қарши эмланганди. Давлат раҳбари 30 июнда қайси вакцина билан эмлангани ҳақида маълум қилди. Бу ҳақда «РИА Новости» хабар берди.

Маълум бўлишича, Россия президенти «Спутник V» вакцинасини қабул қилган. Давлат раҳбари вакцинанинг иккинчи дозаси билан эмланганида кечқурун иситмаси 37,2 даражага кўтарилиб, кундузи 36,6 даражани ташкил қилганини айтган.

Маълумот ўрнида, Путининг матбуот котиби Песков мамлакат раҳбари коронавирусга қарши вакцина билан эмланиши ошкор қилинмаслиги ҳамда эмлаш жараёни намойиш этилмаслигини, чунки ишлаб чиқилган 3 та маҳаллий вакцинанинг ҳаммаси ишончли ва самарали ҳисобланишини таъкидлаганди.

Айни пайтда Россияда учта вакцина рўйхатдан ўтган: Гамалея марказидан «Спутник V», Новосибирск «Вектор» маркази томонидан «EpiVacCorona» ва Чумаков маркази томонидан ишлаб чиқилган «КовиВак». Россияда эмлаш 2020 йил декабрь ойининг ўрталарида бошланган. Оммавий эмлаш эса 2021 йил январь ойининг ўрталарида бошланган.

Аввалроқ Қозоғистон биринчи президенти коронавирусга қарши эмланганди. Шунингдек, Қозоғистон президенти коронавирусга қарши «Спутник V» вакцинасини олган.