Арманистоннинг Гегаркуник вилоятида куйдирги (Сибир яраси) билан касалланишнинг учта ҳолати қайд этилди. Бу ҳақда мамлкат Соғлиқни сақлаш вазирлигига таяниб, «Sputnik» хабар берди.

Маълум бўлишича, инфекция Варденис вилоятининг Ваневан ва Торфаван қишлоқларида қайд этилган. Касалликнинг иккита ҳолати касалланган сигирларнинг эгалари орасида, яна бир ҳолат уларнинг қариндошида аниқланган.

Икки нафар беморнинг аҳволи ўртача, учинчисиники эса енгил ҳисобланади. Яраларни қўзғатувчи воситаларини излаш учун Соғлиқни сақлаш вазирлиги Ваневан қишлоғи атрофидаги далалардан тупроқ намуналарини текширган, аммо куйдирги бактерияси аниқланмаган.

Маълумот учун, куйдирги — бу барча турдаги қишлоқ хўжалиги ва ёввойи ҳайвонлар, шунингдек, одамлар учун ўта хавфли юқумли касаллик ҳисобланади. Одам куйдирги касаллигини фақат очиқ яралар орқали юқтиради, бошқа ҳолларда касаллик хавфли эмас ва фақат ҳайвонлар орасида юқади.

Аввалроқ Қозоғистонда номаълум касаллик оқибатида уй ҳайвонлари ҳалок бўлаётганди. Шунингдек, дунёда илк марта одамда парранда гриппининг «H10N3» штамми аниқланганди.