Украина ҳудудининг катта қисмини йўқотиши мумкин
Украина Олий Радасидаги «Батькившина» фракцияси раҳбари Юлия Тимошенко ерларни сотиш тўғрисидаги қонун сабаб Украина ўз ҳудудининг катта қисмини йўқотиши мумкинлигини маълум қилди. Бу ҳақда унинг парламентдаги нутқига асосланиб, «Известия» хабар берди.
Маълум қилинишича, мамлакатда 2021 йил 1 июлдан кучга кирган ерларни сотиш тўғрисидаги қонун чет эл инвестицияларига эга бўлган банкларга қишлоқ хўжалиги ерларидан кенг миқёсда фойдаланиш имкониятини яратади.
«Бунинг оқибатида эса Украина ўз ҳудудининг 72 фоизини йўқотиши мумкин», — дея таъкидлаган Тимошенко. Унинг сўзларига кўра, қонун мамлакат Конституциясининг камида 22 та моддасига зид бўлиб, фермерларни қишлоқ хўжалиги ерларидан доимий фойдаланиш ҳуқуқидан маҳрум қилади.
Аввалроқ Зеленский Украинани тўлиқ ташқи назоратга топширгани маълум қилинган. Шунингдек, Путин Украинанинг қандай пайдо бўлганини эслатганди.
