Урганчдан Истанбулга мунтазам авиақатновлар тикланди
Урганч–Истанбул–Урганч йўналишида 4 июлдан мунтазам авиақатновлар тикланмоқда. Бу ҳақда «Uzbekistan Airways» акциядорлик жамияти ахборот хизмати хабар берди.
Хабарга кўра, парвозлар ҳафтада бир марта якшанба кунлари амалга оширилади. Урганч–Истанбул йўналишида авиачипта 2 935 000 сўмдан, Урганч–Истанбул–Урганч йўналиши бўйича авиачипта нархи 4 282 000 сўмдан бошланади.
Аввалроқ Тошкент–Урганч–Оқтов йўналишида янги авиақатнов йўлга қўйилгани хабар қилинган. Шунингдек, Ўзбекистондан Қозоғистоннинг 2 шаҳрига мунтазам авиақатновлар йўлга қўйилиши маълум қилинган.
