Хоразмда каналда чўккан 9-синф ўқувчисининг жасади топилди
Хоразм вилояти Урганч шаҳрида 29 июнь куни дўстлари билан каналга чўмилишга борган 9-синф ўқувчиси чўкиб кетгани ҳақида хабар берилганди. Бош прокуратура ҳолат бўйича қўшимча маълумот берди.
Хабарга кўра, 16 ёшли бола Хоразм вилояти Фавқулодда вазиятлар бошқармаси қидирув гуруҳи томонидан топилди. Ҳолат юзасидан Янгибозор тумани прокуратураси томонидан терговга қадар текшириш ҳаракатлари олиб борилмоқда.
Эслатиб ўтамиз, у 29 июнь 17:00 ларда Янгибозор тумани Манғитлар маҳалласида яшаган 2006 йилда туғилган 9-синф ўқувчиси Шоввот каналига дўстлари билан биргаликда бориб, чўмилиш мақсадида каналга тушганида чўкиб кетган эди.
Аввалроқ Наманганда каналга чўкиб кетган 12 ёшли қизнинг жасади топилгани ҳақида хабар берилганди. Шунингдек, Бухорода 9-синф ўқувчиси сув оқизиб кетиши оқибатида чўкиб, ҳалок бўлгани хабар қилинган.
