«Ўзгидромет» хизмати дам олиш кунлари кузатиладиган об-ҳаво маълумотини эълон қилди.

Хабарга кўра, 2 июль куни республиканинг кўпчилик вилоятларида қуруқ ва кам булутли об-ҳаво кузатилади, фақат Андижон, Наманган, Фарғона вилоятларида куннинг иккинчи ярмида, Тошкент вилоятида кечга томон қисқа муддатли ёмғир ёғиши, момақалдироқ бўлиши эҳтимоли бор. Баъзи жойларда шамолнинг тезлиги 15–20 метр/секундгача кучайиши мумкин.

Маълум қилинишича, дам олиш кунларида иссиқ ва қуруқ об-ҳаво шароити сақланиб қолади, ҳаво ҳарорати кечалари 24–27 даража, кундуз кунлари 38–41 даража, шимолда, жанубда ва чўл ҳудудларда баъзи жойларда 44 даражагача атрофида бўлади. Шамолнинг 15–20 метр/секунд тезликкача кучайиши сақланиб қолади.

Шунингдек, республиканинг айрим тоғли ҳудудларида конвектив булутлилик ривожланиши оқибатида куннинг иккинчи ярмида момақалдироқ билан қисқа муддатли ёмғир ёғиши эҳтимоли бор.