Эътиборингизга 11 июлнинг энг сара суратларини тақдим этамиз.

Туркиянинг Эдирна шаҳрида 1362 йилдан буён ўтказиб келинаётган ёғли кураш мусобақасида беллашаётган курашчилар.

Лондонда футбол бўйича Европа чемпионати финали олдидан англиялик мухлислар кўчаларда байрам қилмоқда. Финал 11 июль куни бўлиб ўтади. Унда Англия ҳамда Италия терма жамоалари ғолиблик учун баҳс юритади.

Нью-Йоркдаги Central Park’да Гладиаторлар клуби аъзолари совутларда жанг қилмоқда.

Шимолий Ирландияда 12 июль куни тантаналари муносабати билан мушакбозликлар давом этмоқда.

Италиянинг Венеция шаҳрида G20 давлатлари молия вазилари учрашувига қарши норозилик намойишлари бўлиб ўтди. Полиция намойишчиларни тарқатиб юборишга ҳаракат қилмоқда.

Индонезия соҳилларида тупроқ емирилишининг олдини олиш мақсадида мангрова дарахтлари экилмоқда.

Рим Папаси Франсиск даволанаётган шифохона балконидан туриб аҳолига мурожаат қилди. Уни қутлаш учун роҳибалар ва кўплаб аҳоли вакиллари шифохона яқинига етиб келди.

Мьянмада коронавирусдан вафот этган инсон танасини олиб кетаётган кўнгиллилар гуруҳи.

Мамлакат президенти ўлдирилгани ортидан кўпчилик гаитиликлар мамлакатни тарк этиш ниятида. Шундай кишилардан бир гуруҳи АҚШ элчихонаси олдида тўпланиб, виза беришни сўрамоқда.

Май ойида Исроил ҳаво ҳужумлари оқибатида вайрон бўлган уйлар томида юрган фаластинлик киши.