Парижда миллий байрам тантаналари, зарғалдоқ фламинголар, Кубадаги намойишлар — 14 июль суратлари
Куннинг энг сара суратларини эътиборингизга ҳавола этамиз.
Кубада ҳукуматга қарши норозилик намойишлари давом этмоқда. Полиция кўчаларда навбатчилик қилмоқда.
Буюк Британияда дам олиш кунлари бўлиб ўтиши режалаштирилган карнавал қатнашчиси ўзининг либосини намойиш қилмоқда.
Францияда 14 июль Миллий байрам куни сифатида нишонланади. Шу муносабат билан мамлакат авиацияси республика байроғи рангларини самога олиб чиқди. Орқа фонда эса Эйфел минораси.
Франция президенти Эммануэль Макрон танталарда иштирок этмоқда.
Буюк Британиядаги ҳайвонот боғларининг бирида фламинголар оиласида янги меҳмон дунёга келди.
Мьянмада ҳарбий тўнтаришга қарши намойишлар яна қайтадан бошланиб кетди.
Франциянинг хорижий легиони байрам тадбирлари давомида Елисей майдонида парадда қатнашмоқда.
Кенияда оёқ кийимлар растаси орқасида газета ўқиб ўтирган киши.
Париждаги Ғалаба аркаси майдонида ҳарбий парадда қатнашаётган француз ҳарбийлари.
