Россияда федерал қидирувда бўлган ўзбекистонлик эркак қўлга олинди
Россиянинг Санкт-Петербург шаҳри Пулково аэропорти ҳудудида федерал қидирувда бўлган ўзбекистонлик эркак қўлга олинди. Бу ҳақда «Мойка78» хабар берди.
Маълум қилинишича, ҳибсга олинган 34 ёшли ўзбекистонлик эркак илгари сохта ҳужжатлардан фойдалангани сабабли фирибгарликда айбланган. Эркак 4 йил давомида жазони ўташдан қочиб юрган.
Шунингдек, аэропортда фирибгарликда гумон қилинган россиялик 26 ёшли аёл ҳам қўлга олинган. У бир неча кун давомида суд ижрочиларидан яшириниб, Владикавказга учиб кетмоқчи бўлди.
Аввалроқ Россияда 6 нафар вояга етмаган қизга тегажаклик қилган ўзбекистонлик эркак ҳибсга олинганди. Шунингдек, Россияда 15 ёшли қизни зўрлаган ўзбекистонлик эркак қўлга олингани айтилган.
