Ҳиндистоннинг Уттар-Прадеш штатида 12 июль куни уч бошли бола туғилди. Бу ҳақда «Daily Star» хабар берди.

Маълумотларга кўра, боланинг нима учун бу кўринишда дунёга келгани номаълум, чунки у нормал ҳомиладорликдан сўнг туғилган. Боланинг одатий кўринишдаги бошининг орқа томонида яна иккита қўшимча бош мавжуд бўлиб, у сочлар билан ўралган.

Қайд этилишича, боланинг ва онанинг аҳволи яхши экани боис касалхонадан чиқарилган. Аммо уларнинг уйида нотинч вазият юзага келган.

Таъкидланишича, ҳиндистонлик оила ҳозирда ғайриоддий болани «Ердаги Худонинг тимсоли» деб атаётган кўплаб зиёратчиларнинг ташрифларидан азият чекмоқда.

Аввалроқ Бирлашган Араб Амирликларида ноёб кўринишга эга кўл топилгани хабар берилган. Шунингдек, Индонезиядаги вулқон устида сирли яшил нур пайдо бўлгани маълум қилинганди.